Malinaw ayon sa birthday... BABAENG NAKATAKDANG MAGKAROON NG MASAYANG RELASYON

Maestro Honorio Ong

Dear Maestro,

Naisipan kong sumang­guni sa inyo dahil naisip ko na kayo lang ang ma­ka­tutulong sa aming proble­ma. ‘Yung mister ko ay 45 years old na ngayon.

Ang problema, kapag nagtatalik kami ay mada­las wala na siyang gana. Iniisip ko na baka may ba­bae siya, pero hindi ko pa sure dahil wala naman si­yang cellphone.

May babae kaya talaga siya kaya nawawalan na siya ng gana sa akin? Kung mayroon, paano ko siya ma­huhuli?

Compatible din kaya ang birth date namin na September 28, 1980 ang birthday ko at February 13, 1973 naman ang mister ko, kami na ba ang magsa­sama, habambuhay o dara­ting din ba ang araw na hihiwalayan niya ako?

Umaasa,

Ms. X ng Marikina City

Sa iyo Ms. X,

Mali ang iniisip mo dahil hindi porke nawawalan na ng gana ang mister mo sa tuwing kayo ay nagtatalik ay ipagpapalagay mo na kaagad na siya ay may ibang babae.

Maaari ngang ganu’n, pero hindi sa lahat ng pag­ka­kataon at hindi mo rin dapat isipin ang ganu’n, sa halip, da­pat may iba ka pang factor o ebidensiya na pinanghaha­wakan upang makumpirma mo kung talaga bang namba­babae si mister.

Ang isa sa pinakamati­bay na ebidensiya ay ‘yung nambabae na ba siya dati? Ang pambababae ay “ha­bitual”, sa madaling sa­lita ay nakawiwili, kaya kung wala siyang history ng pam­ba­babae at wala rin sa lahi nila ang babaero, malabong ga­win ng mister mo ang ibi­ni­bintang mo sa kanya.

Pangalawa, ano ba ang trabaho ng mister mo? Upang makumpirma natin na baka pagod lang talaga siya sa mag­hapong pagtatrabaho kaya kapag nagtatalik kayo sa gabi ay kinakapos na siya ng re­sis­tensiya. Oo ang sobrang pagod o stress ay mga dahi­lan upang hindi gaanong tu­mayo o tumindig nang husto ang alaga ni mister sa tuwing kayo ay magtatalik.

Kapag ganu’n ang sit­was­yon, pagod sa magha­pong pagtatrabaho si mister, kaya kapag nagtatalik sila ni misis ay pumapalya na ang kanyang alaga, madali lang ang solusyon dito.

Pupuwedeng gawin sa umaga ang pagtatalik bago pumasok ng opisina o traba­ho si mister, para ‘yung mag­damag na pahinga ay sigura­dong nakaipon na siya ng re­serbadong enerhiya upang kapag napalaban kay misis ay matikas na talaga ang alaga ni mister.

Pangatlo, gaano ka ba ka­akit-akit sa sandali ng inyong pagtatalik? Nagsesepilyo ka ba ng mga ngipin o kaya ay bagong paligo ka ba kapag kayo ay nagtatalik? Baka hin­di ka nag-aayos man lang. Kung ganu’n ang sitwasyon, hindi ka nag-ayos kapag nag­tatalik kayo ni mister, puwe­de talagang hindi siya gana­han sa iyo.

Sa madaling salita, itsek mo muna ang maraming fac­tors o mga dahilan kung ba­kit nawawalan ng gana si mis­ter bago ka mag-isip ng kung anu-ano.

Maaari mo ring isa­alang-alang kung malakas ba siyang kumain at nagte-take ba siya ng multivitamins, food sup­plements o regular ba siyang nag-e-exercise upang mati­yak mo na may malusog at matikas na resistensiya ang iyong asawa pagdating sa kama.

Samantala, ayon sa birth­date mong 28 o 1 (ang 28 ay 2+8=10/ 1+0=1) at 13 o 4 naman si mister (ang 13 ay 1+3=4), ito ay nagsasabing, kayo ay sadyang compa­tible sa isa’t isa dahil Sun at Uranus ang planetang umiiral sa inyo na tugma rin tulad ninyo. Dagdag pa rito, sad­yang kambal na numero rin ang 1 at 4 na nakatakdang ha­bambuhay na magsasama.

Gayundin, ayon sa zo­diac sign mong Libra at Aqua­rius ang iyong asawa, mambabae man o hindi ang iyong mister, imposible ka­yong magkahiwalay dahil ang Libra at Aquarius ay may iisang elementong tina­taglay kung saan kung sakali mang nambabae ang iyong mister o ikaw ang manlala­laki, sa bandang huli, mag­ka­kabalikan din kayong dalawa upang muling buuin at pali­gayahin ang inyong pamilya, habambuhay.