Magtatag-ulan na, problema na naman sa basura

Nagbabadya na ang pagpasok ng tag-ulan sa bansa.

Dahil dito, naghahanda na ang pamahalaan upang maiwasan ang pagbaha.

Kamakailan, nagkasa ng malawakang clean-up drive ang Department of Environment and Natural Resources (DENR) sa Baseco Beach sa Tondo, Manila.

Pagdating ng tag-ulan, tone-toneladang basura pa ang ina­asahang aanurin sa dalampasigan ng Baseco Beach.

Ayon sa DENR, asahang babalik ulit ang mga basura sa pampang dahil tatangayin ng agos ang mga ito pagsapit ng tag-ulan.

Nakiisa ang mga mag-aaral, volunteer ng National Youth Commission (NYC), bumbero at iba’t ibang ahensiya ng gob­yerno.

Masaya ang DENR dahil umabot sa 3,000 volunteers ang nakiisa sa malawakang clean-up drive noong Sabado.

‘Ika nga nila, prevention is better than cure kaya paalala ng ahensiya, huwag nang maghintay ng clean-up drive at simulan na ang pamumulot ng mga basura sa ating bahay at barangay upang maiwasan ang pagbaha.