Bebot, natagpuang may saksak sa dibdib sa MRT

ISANG hindi pa nakila­lang babae na may saksak ang natagpuan ng nagroron­dang guwardiya sa hagdan ng Boni Station (north­bound) ng MRT alas-2:25 ng hapon, kahapon.

Ayon sa DOTr-MRT3, ang nasabing babae ay may saksak sa ibabang bahagi ng dibdib na agad dinala sa pinakamalapit na ospital. Mabilis namang rumes­ponde ang Safety and Se­curity Unit personnel ng DOTr-MRT3 katuwang ang PNP-Regional Mobile Force Battalion (PNP-RM­FB) matapos maipagbigay-alam sa kanila ang insidente.

Nagtungo rin ang Scene of the Crime Ope­ratives (SOCO) at Mandalu­yong PNP para sa initial as­sessment. Patuloy na ang im­besti­gasyon ng mga awtori­dad sa insidente.