Balik-eskuwela, bantay-sarado

Isang linggo na lang at magbabalik-eskuwela na ang mga mag-aaral.

Kaya naman nagsisimula nang maghanda ang mga aw­toridad para sa kaligtasan ng mga estudyante.

Kaugnay nito, ipakakalat ni National Capital Region Police Of­fice (NCRPO) Chief Major General Guillermo Eleazar ang 7,000 pulis sa pagbubukas ng klase ngayong Hunyo 3.

Ito ay upang masiguro ang kaligtasan ng mga mag-aaral sa unang araw ng eskuwela.

Ayon sa NCRPO chief, nakikipagtulungan na sila sa mga paara­lan para sa mga itatalagang PNP personnel.

Magbabantay din aniya ang PNP sa mga karaniwang dinaraanan ng mga estudyante sa pamamagitan ng paglalagay ng check­points.

Dagdag pa ni Gen. Eleazar, hindi sila titigil sa pagsasagawa ng mga ope­rasyon kontra krimen.

Dahil dito, siguradong hindi mababahala ang mga magulang sa kaligtasan ng pagbabalik-eskuwela ng kanilang mga anak.

Bilang alagad ng batas, dapat silang maging mahigpit sa seguri­dad upang matiyak ang kaligtasan ng mga mamamayan.