Utak daw sa pagpapabagsak kay P-Du30 | TRILLANES, BALIK-SELDA

HINDI umano mala­yong makulong muli si out­going Senator Antonio Tril­lanes IV dahil sa pagkaka­sangkot nito sa pagpapabag­sak sa kasalukuyang admi­nis­trasyon.

Ito ang sinabi ni Presi­dential Spokesman Salvador Panelo kaugnay sa kontro­bersiyal na “Ang Totoong Narcolist” videos matapos ang pagkambiyo ni Peter Joemel Advincula alyas Bi­koy na si Trillanes at Libe­ral Party ang may pakana nito.

“While many will wish Mr. Trillanes good riddance as he is about to leave the hallowed halls of the Senate at the end of June of this year, we will instead wish him luck as he faces another prospect of being placed behind bars again as the self-confessed black propagandist turns against his master, even as his victims look forward to seeing the Senate, or better yet the Government, without the cantankerously obnoxi­ous coup plotter,” pahayag ni Panelo.

Ayon kay Panelo, kung susuriin, magkapareho ang pattern ng ginawang black propaganda ni Trillanes la­ban kay Duterte noong 2016 Presidential Elections at sa kasalukuyan bago ang 2019 midterm polls.

Matatandaang, inaku­sahan ni Trillanes na may pekeng bank accounts si Du­terte na nagkakahalagang P211 milyon sa isang bangko sa Ortigas, isang linggo bago ang pampanguluhang hala­lan habang lumabas naman ang kontrobersiyal na “Ang Totoong Narcolist” videos isang linggo rin bago ang midterm polls.

“History keeps repea­ting itself. In Mr. Trillanes’ case, first as a tragedy and second as a farce. This des­cribes well the case of the outgoing senator,” ayon pa kay Panelo.

Una nang nagpahayag sina Senator-elect Christo­pher ‘Bong’ Go at Presiden­tial Son at Davao Rep. Paolo Duterte na nais din magka­roon ng pagdinig hinggil sa naturang isyu matapos ida­wit sa illegal drug trade.