Sanhi ng brain aneurysm

SHANE M. LUDOVICE, M.D / SABI NI DOC

Dear Doc. Shane,

Kamakailan, may ka­tra­baho akong bigla na lamang hindi pumasok sa shift niya. Ang usap-usa­pan, siya raw ay may brain aneurysm at mukhang tu­luyan nang magre-re­sign. Naaawa kami sa kanya da­hil sa pagkakaalam na­min ay bread winner siya ng kanilang pamilya. Ma­aari ba ninyong pakitala­kay ang tungkol sa brain aneu­rysm, ano ang sanhi at sin­tomas nito? — Rossi

Sagot

Ang brain aneurysm ay mahina at lumolobong ba­hagi ng ugat sa utak. Kada­lasan ay walang sintomas ang brain aneurysm. Kapag pu­mutok ang brain aneurysm, tatagas ang dugo sa buong utak. Maiipon ang dugo sa su­barachnoid space at maa­ari itong magdulot ng stroke. Maaaring mamana ang po­sibilidad ng pagkakaroon ng aneurysm o maaari itong ma­ging resulta ng pagkapal ng ugat (atherosclerosis) dahil sa cholesterol at pagtanda. May ilang mga bantang salik na maaaring magdulot ng brain aneurysm.

Karamihan dito ay ma­ko­kon­trol natin at kayang maiwasan.

Narito ang mga kara­niwang dahilan ng brain aneurysm:

• family history

• previous aneurysm

• mas mataas ang tsan­sang magkaroon ng brain aneurysm ang mga kababa­ihan

• may mataas na panga­nib na magkaroon ng aneu­rysm ang mga African-Ame­rican

• mga taong may alta­presyon

• mga taong naniniga­rilyo dahil ito ay nakapag­papataas ng blood pressure

• may brain injuries

• may mataas na LDL cholesterol

Kadalasan ay walang sintomas ang brain aneu­rysm, pero maaaring maka­ranas ng sintomas kapag nag­dudulot ng pressure ang lu­mobong ugat sa utak.

Maa­aring makaranas ng sakit ng ulo, panlalabo ng mga mata, hirap sa pagsa­salita at sakit sa leeg.

Kapag pumutok ang brain aneurysm, kailangang tumawag agad ng emergency o dalhin sa pinakamalapit na ospital ang pasyente.

Ang sin­tomas ng pu­mutok na brain aneurysm ay biglaan at sobrang sakit ng ulo, sakit sa leeg, pagkahilo, pagsusu­ka, nagiging sen­sitibo ang mga mata sa li­wanag, nawa­walan ng malay, seizures, dilated o malaking pupils at bumabagsak ang talukap ng mga mata.