OBRA MAESTRA VS. REAL GOLD 1ST LEG

HAHATAW ngayon ang isang prestihiyosong pakarera ng taon ng Philippine Racing Commission (Philracom), ang 2019 First Leg Triple Crown Stakes Race kasabay ng “2019 Hopeful Stakes Race” at 3 Year Old Locally Bred Stakes Race sa San Lazaro Leisure Park (SLLP), Carmona, Cavite.

Bukod sa mga nabanggit na pakarera, hahataw din ang Manila Jockey Club Inc., (MJCI) Trophy Race at Rating Based Handicapping System (RBHS). Bibitiwan sa ganap na 4:50 p.m. ang 2019 Philracom 1st Leg Triple Crown Stakes Race na paglalabanan ng My Sheltex, My Jopay, Westeros, Obra Maestra, Jayz, Toy For The Bigboy, Boss Emong at Real Gold.

May nakalaang guaranteed prize na P3-M na hahatiin sa apat na unang makatatawid sa finish line. Tatanggap ng P1.8-M ang tatanghaling kampeon, habang tatanggap ng P675,000 ang 2nd placer, tatanggap ng P375,000 ang 3rd placer at mag-uuwi ng P150,000 ang makatatawid na pang-apat sa distansiyang 1,600 meters na karera.

Binibigyan na malaking panalo ang entry ni Sandy Javier Jr. ang Obra Maestra na rerendahan ni Class A Jockey Jessie B. Guce at makakalaban ang Real Gold ng C&H Ent, na sasakyan ni John Paul A. Guce. Magsisilbing banta sa korona ang Westeros, My Jopay, Jayz Toy For The Bigboy at My Sheltex.

Samantala, pinapaboran sa 2019 Philracom “Hopeful Stakes Race” ang Best Regards na rerendahan ni Class A Jockey C.P. Henson at makatutunggali ang Two Timer, Harapin Ang Bukas, Gepnits, Phenomenal Mood Swing, Gil’s Magic, The Accountant, Dugong Bughaw, Shanghai Noon at Turn Over.

May nakalaan na P600,000 para sa tatanghaling kampeon at mag-uuwi ng P225,000 ang 2nd placer, P125,000 ang mapupunta sa 3rd placer at P50,000 sa 4th placer. Magsisilbing pangbuwenamano ang 3 Year Old Locally Bred Stakes Race na may nakalaan na premyong P.5 milyon sa unang apat na makatatawid sa finish line.

Pinapaboran ang mga kalahok na sina Weather Lang at Serafina, at magsisilbing kalaban ang mga kalahok na Mana’s Mark, Electrify, Trust Worthy, Coup D’ Etat, Iikot Lang, Claudia’s Pride, Oktubre Katorse, Silab, Sultanov, Always Ready, Sure Win at Dansalan.

Tip ni Mang Ding Race 1- Serafina (10) Weather lang (4) Race 2- Mandatum (1) Ava Natala (4) Puting Biyaya (3) Race 3- Two Timer (9) Best Regards (12) Race 4- Don Anton (8) Amelia (6) Yssa’s Will (2) Race 5- Obra Maestra (4) Real Gold (8) Race 6- Princess Mamba (5) Entry No. 3 Race 7 Shining Sword (8) Awesome (2) Race 8-Fantastic Max (6) Musikera (9) Hayley Margarette (4) Race 9-Smokin’ Saturday (4) Wonderland (6) Hot and Spicy (3) Race 10- Oases (7) Entry No. 5 Race 11- The Best Ever (7) Entry No. 2 Race 12-Super Swerte (3) MissHookNladder (6) Yes Kitty (1)