Romualdez at Velasco, agawan sa House Speakership

NABULAGA si re-elec­ted Leyte Cong. Martin Ro­mualdez matapos ang pa­nibagong pahayag ni Davao City Mayor Sara Duterte.

Una nang ipinakilala ni Sara bilang “next Speaker” si Romualdez sa Hugpong ng Pagbabago rally noong Mar­so sa Tacloban, teritor­yo ng mambabatas.

Gayunman, inendorso rin umano ng Presidential Daugh­ter si Rep. Lord Allan Velas­co noong sumunod na araw.

Matatandaang, ang La­kas-CMD Party na pinamu­munuan ni Romualdez ang sinasabing promotor ng pag-delay ng approval ng 2019 National Budget sa House dahil sa mga tinaguriang ille­gal post-ratification realign­ments sa budget sa kabila ng aprubado na ito ng Senado sa bicameral conference com­­mittee.

Ito ang naging dahilan kung bakit sinabi ni Pangu­long Rodrigo Duterte na hindi niya pipirmahan ang ‘illegal document’, na nauwi sa pag-veto sa mga probis­yon na umano’y isiningit.

Para naman kay Velasco, nag-post ito ng litrato niya at kanyang asawa kasama si P-Duterte sa Malacañang noong May 17 at noong birth­­day celebration ng pre­sidente na siya umano ang nag-sponsor.

Samantala, hindi rin umano sumuporta si Velasco kay P-Duterte noong tu­mak­bo ito sa pagka-presi­dente, sa halip ay sinuporta­han si Sen. Grace Poe na nag-no. 1 naman sa Marinduque sa katatapos lang na elek­siyon.