Negosyante pinagbabaril, utas

DEAD-ON-ARRIVAL sa ospital ang isang negosyante matapos barilin ng dalawang hindi pa nakikilalang lalaki sa Sitio Ilaya, Bgy. Canda, Sariaya, Quezon.

Batay sa imbestigasyon, alas-7:45 ng gabi, nasa loob ng kanyang sari-sari store at abala sa panonood ng telebisyon ang biktimang si Gregorio Resurreccion nang may nagkunwaring bibili sa tindahan nito.

Paglapit nito sa dalawang suspek, agad siyang pinagbabaril sa iba’t ibang bahagi ng katawan bago nagsitakas patungo sa direksiyon ng Bgy. Janagdong 2. Dali-dali pa siyang dinala sa ospital kung saan hindi na rin ito umabot ng buhay.

Nagsasagawa na ng malalimang imbestigasyon ang pulisya sa motibo at pagkakakilanlan ng mga suspek.