8 bahay natupok sa sunog
Pabs Hernandez III
May 25, 2019
1 min read
COTABATO CITY—Walong bahay ang tinupok ng apoy sa naganap na sunog, kamakalawa sa Bgy. Rosary Heights, sa lungsod na ito.
Napag-alaman na bigla umanong sumiklab ang apoy sa isang bahay at dahil gawa lang sa light materials ay nadamay sa nasunog ang pito pang kabahayan sa naturang lugar.
Sa ngayon ay iniimbestigahan na ng mga awtoridad ang sanhi ng sunog at halaga ng napinsala ng apoy.
Wala namang iniulat na nadisgrasya sa naganap na sunog sa nasabing barangay.
Comments