7 nadale sa kidlat

ISA ang patay habang anim ang nalapnos ang ka­tawan makaraang ta­maan ng kidlat sa kasag­sa­gan ng pag­buhos ng ulan sa Bgy. San Vi­cente, Canaman, Cama­rines Sur.

Pasado alas-5:00 ng ha­pon ng Huwebes nang ma­ganap ang insidente habang nagpapahinga sa kubol ang mga biktima na pawang tra­bahador sa isang plantasyon ng mangga.

Bigla na lamang uma­nong nagdilim ang kalangitan ka­sabay ang pagbuhos ng ma­lakas na ulan na may kasa­mang pagkulog at pagkidlat.

Sa kalagitnaan nito, isang kidlat ang sumagitsit sa kina­lalagyan ng mga biktima at nasapol ang mga ito.

Isa sa kanilang mga kasa­mahan ang napuruhan sa pagtama ng kidlat na siyang ikinasawi nito habang ang iba ay nalapnos ang balat at di­nala sa ospital kung saan isa sa kanila ay kritikal.