Robredo, Trillanes, Hontiveros utak ng videos vs. P-Du30 — Bikoy | LAGLAGAN NA!

TULUYANG inilaglag ni Peter Joemel Advincula, na nagpakilalang si alyas Bikoy sa kontrobersiyal na serye ng “Ang Totoong Narcolist”, na ang Liberal Party (LP) sa pangunguna nina Vice-President Leni Robredo at Senator Antonio Trillanes IV ang umano’y nasa likod ng pagpapakalat ng na­turang video sa social media.

Ang ginawang pagbu­bun­yag ni Advincula ay ka­sunod ng ginawa nitong pag­suko sa Northern Police Dis­trict (NPD) nitong gabi ng Miyerkules at agad dinala sa Philippine National Police (PNP) Headquarters sa Camp Crame.

Una nang inamin ni Ad­vincula sa paglitaw nito sa Integrated Bar of the Philip­pines (IBP) na siya ang la­laking si alyas Bikoy at mis­mong narrator sa serye ng viral videos kung saan iniu­ugnay nito si Pangulong Rod­rigo Duterte at iba pang mi­yembro ng pamilya sa ka­la­karan ng iligal na droga sa bansa.

Sa press briefing sa Camp Crame na pinangu­nahan nina PNP Chief Di­rector General Oscar Alba­yalde at National Capital Re­gion Police Office (NCRPO) Director Police Major Ge­neral Guillermo Eleazar, dito ibinunyag ni Advincula na pawang gawa-gawa lamang umano ang lahat sa “Ang Totoong Narcolist” videos.

“Ito ay pawang orches­trated lamang ng Liberal Party under the handling of Senator Antonio Trillanes IV,” pahayag ni Advincula.

Ani Advincula, pinangakuan umano siya ng grupo ni Trillanes ng P500,000 bilang kapalit sa paggawa nito ng video. Gayunman, hindi uma­no siya nabayaran matapos ang pagpapakalat sa video sa lahat ng social media at nagdesisyong sumuko sa mga awtoridad dahil na rin umano sa binabagabag na ito ng kanyang konsensiya.

Ibinunyag din ni Advin­cula na isa umanong pari ang nagpakilala sa kanya kay Tril­lanes kung saan sa loob mis­mo ng kumbento ginawa at tinapos ang serye ng video.

“Ang lahat ng nangyari sa “Ang Totoong Narcolist” video episode 1 to video epi­sode 5, ‘yung ni-record ko nu’ng nasa isang kum­bento ako, lahat ‘yun pawang scrip­ted, lahat ‘yun pawang kasinungalingan,” giit nito.

Ginawa aniya ang video upang siraan mismo ang pa­ngulo at maging ang lahat ng administration candidates kabilang si dating Special As­sis­tant to the President na nga­yon ay Senator-elect Chris­topher ‘Bong’ Go.

Kabilang din sa mga iniuugnay ni Advincula sa paggawa ng narcolist video ang pangunahing mga mi­yem­bro ng Liberal Party na sina Senator Risa Hontiveros at Senator Leila De Lima.

“Kasinungalingan kasi may plano ‘yung kabilang kampo, ‘yung kabilang kam­po magpaputok ng issue para ma-divert ‘yung atten­tion ng tao, papataas nang papataas ang ratings ng administration candidate, samantalang, walang puma­pasok, particularly sa Otso Diretso candidate,” paliwa­nag pa nito.

“At ito nga ‘yung papu­tok nu’ng kay Bikoy, para ma-discredit si Senator-elect ‘Bong’ Go hindi totoo ‘yun, walang katotohanan at ‘yun pawang orchestrated la­mang ng mga nasa kabilang party which is the Liberal Party under the handling of Senator Antonio Trillanes IV,” dagdag pa ni Advincula.

“Hindi ko ho kaya na pa­nindigan ‘yung mga scrip­ted lang ng kuwento na nga­yong talo na ‘yung mga kan­didato nila nararamdaman ko unti-unti na akong nila­laglag at ang kinakatakutan ko ay baka sila pa ang mag-eliminate sa akin kalaunan dahil wala na akong silbi,” saad pa nito.

“Project sodoma”

ISINIWALAT pa ni Adv­incula na nais umanong pa­bagsakin ng LP si Pangu­long Duterte sa pamamagi­tan ng nasabing video at kung magtagumpay ay si Vice-Pre­sident Robredo ang ha­halili sa puwesto bi­lang pa­ngulo ng bansa.

Makailang beses na rin aniya silang nagpupulong kasabay ng pagpaplano para matiyak ang paglulunsad ng Project Sodoma na uma­no’y proyekto para sa iisang layu­nin, ang pabagsakin ang administrasyong Duterte.

“Dahil kapag napabag­sak si Presidente Duterte, ang uupo, duly constitutio­na­­lized, Her Excellency Leni Robredo, and she will ap­point from the Senate or the House, to be the vice-presi­dent. Sonny will be in line to become the vice-president,” pagbubunyag pa ni Ad­vincula.

Dagdag pa ni alyas Bi­koy, mula umanong maipa­kalat na ang videos sa social media ay hindi na nagpakita pa sa kanya si Trillanes at hindi na rin siya sinasagot nito kaya isa sa mga dahilan kung bakit siya nagdesis­yong lumantad sa publiko.