Mag-utol na 4 at 11 nalunod sa pasig river, dedo

BANGKAY na nang ma­tagpuan sa magkahiwalay na barangay ang magkapatid na kapwa lalaki na nasa edad 4 at11 matapos malunod sa Pa­sig River kahapon ng umaga sa Makati City.

Kinilala ang mga biktima na sina Ronald Angelo at Dave Demano y de Guz­man.

Alas-10:00 ng umaga nitong Miyerkules, habang nakatayo ang biktimang si Dave sa isang bato sa Ilog- Pa­sig nang aksidente uma­nong nadulas at nahulog sa ilog.

Ang pangyayari ay na­kita ng kanyang nakatatan­dang kapatid na si Ronald Angelo kaya dali-dali itong tumalon sa ilog upang tulu­ngan ang kanyang kapatid kahit hindi ito marunong lu­mangoy.

Kapwa inanod ang mag­kapatid at ilang oras na pinag­hahanap ng rescue team.

Hanggang kahapon ng umaga nang matagpuan ang magkapatid sa magkaibang lugar kung saan unang na­tag­puan ang bangkay ng nakata­tandang kapatid sa bahagi ng Bgy. Poblacion, Makati City.

Habang sa Bgy. West Rembo naman narekober ang bangkay ni Dave alas-6:00 kahapon ng umaga na palutang-lutang sa pampang ng Pasig River.