Drug den pinasok, 5 minasaker

LIMA katao na umano’y nasa drug watch­list ang na­tagpuang patay makaraang pasukin at pagbabarilin sa loob ng bahay sa Purok 4, Bgy. San Pedro, San Jose del Monte City, Bulacan, ka­ha­pon.

Batay sa inisyal na re­port, kabilang ang ba­bae na nakilalang si Juliet Fernandez sa mga pinaslang ng hindi pa mabatid na bilang ng mga salarin.

Ayon kay Bula­can Po­lice Director Col. Chito Ber­saluna, kapwa tadt­ad ng ta­ma ng bala ng baril ang kat­awan ng limang biktima na natagpuan sa loob ng hini­hinalang drug den pa­sado alas-6:00 ng umaga.

Isa sa mga nakadiskubre sa krimen ay ang kapitbahay nang masilip sa bintana ang mga bangkay at puno ng dugo ang lugar.

Bago ang pamamaslang, ang naturang bahay ay gi­nagamit umano bilang drug den ng ilang drug personali­ties sa lugar.

Posible umanong onse­han sa droga ang motibo sa pagmasaker sa mga ito.

Ayon naman kay Police Col. Orlando Castil, Jr., pa­tuloy pa nilang iniimbestiga­han ang krimen at kabilang sa kanilang tiniting­nan ay ang CCTV sa lugar upang ma­tukoy ang pagkakakilan­lan ng mga nasa likod ng ma­saker.