Tulong sa purdoy, tuloy — Digong | 4Ps, FOREVER

PIRMADO na ni Pangulong Rodrigo Duterte ang batas na layuning gawing permanente ang Pantawid Pamilyang Pili­pino Program o 4Ps.

Layunin ng 4Ps o Republic Act (RA) 11310 na mag­kaloob ng tulong-pinansiyal sa mga mahihirap na pamilya para sa kanilang kalusugan, nutrisyon at edukasyon.

Nabatid na Abril 17 nang lagdaan ito ng pangulo.

Batay sa ilalim ng batas, sa loob ng pitong taon ay maglalaan ang gobyerno ng conditional cash transfer para sa mga kuwalipikadong mahihirap.

Gayunman, maaaring irekomenda ng National Ad­visory Council ang mas mahabang panahon.

Kabilang sa kuwalipikado sa naturang programa ang mga magsasaka, mangingisda, mga pamilya na walang bahay at mula sa informal sector.

Ang Department of Social Welfare and Develop­ment (DSWD) ang inaatasang magrerebyu para sa qualified beneficiaries kada tatlong taon.