Hirit ng DepEd | ISKUL, ‘WAG GAWING EVACUATION CENTER

INAMIN ni Education Secretary Leonor Briones na tutol siya na gawing evacua­tion centers ang mga esku­welahan lalo na sa panahon ng kalamidad.

Ani Briones, siya mismo ang nagpanukala nito kay Pangulong Rodrigo Duterte sa pulong ng mga miyembro ng gabinete na hangga’t ma­aari ay huwag gawing eva­cuation centers ang mga es­kuwelahan.

Sa halip, dapat na mag­tayo aniya ng mga multipur­pose center ang mga local government.

“So, last year pa, nag-promulgate na ng policy and this was covered by media. Ang presidente, ang local government should be en­courage to build their own multipurpose centers na as much as possible, unless it is unavoidable, hindi talaga paalisin ang mga bata sa eskuwelahan to make room for those who also need it,” ani Briones.

“So, ngayon makikita na natin, mayroon nang mga design na ginawa ang NHA ng multipurpose centers. So, priority talaga, ‘pag may­roong i-evacuate na mga victim ng sakuna and we have to take care of them, doon sila sa multipurpose centers,” saad ng kalihim.

Samantala, nasa 28 mil­yong estudyante ang inaasa­hang papasok sa pampub­liko at pribadong eskuwe­lahan sa pabubukas ng klase sa Hunyo 3, ayon sa DepEd.

Ani Briones, may 27,817,737 estudyante ang papasok sa Kinder­gar­ten hanggang Grade 12 kum­para sa naitalang bilang na 27,018,509 estudyante noong nakalipas na taon.

Nabatid na may 203 ang school days at magtatapos sa Abril 3, 2020 habang ang Christmas break ay mag-u­umpisa naman ng Disyem­bre 15 at magre-resume sa Enero 6, 2020.