Mag-uncle pinatay, binalutan ng packaging tape

DUGUAN at kapwa wala ng buhay nang madis­kubre ang isang lalaki at kanyang pamangkin sa Jaro, Iloilo, kahapon ng umaga.

Kinilala ang mga biktima na sina Jimrod Eribal, 22, at pamangkin na si Tristan Za­cary Eribal, 19. Natagpuan ang kanilang labi pasado alas-5:00 ng ma­daling-araw sa isang ba­kanteng lugar malapit sa national highway sa Bgy. La Paz.

Nakitaan ng tama ng bala sa katawan at binalutan pa ng transparent na packaging tape sa mukha ang mag­tiyuhin. Batay sa report, isa sa suspek si Jimrod sa ilang serye ng pagnanakaw sa La Paz.

Gayunman, mariin itong itinanggi ng kanilang mga kaanak.

Patuloy pa ang imbes­tigasyon para alamin kung sino ang responsable sa kri­men at ano ang motibo.