Kapitbahay tinodas

NAUWI sa pamamaril ang usapan ng dalawang lalaki matapos ang kanilang pagtatalo sa Sitio Niyugan, Bgy. San Felipe, Padre Garcia, Batangas.

Dead-on-arrival sa ospital si Pedro Dy, 42, may asawa, makaraang barilin ng suspek na si Noli Rosete, 39, kapwa residente sa lugar.

Batay sa imbestigasyon, alas-11:30 ng gabi, napansin pa umano ng kanilang kapitbahay ang pag-uusap ng dalawa.

Makalipas ang ilang minuto nang makarinig umano sila ng dalawang putok ng baril.

Duguang nakahandusay sa gilid ng kalsada na may tama ng bala sa katawan ang biktima habang tumakas ang suspek.

Narekober sa crime scene ang dalawang basyo ng bala mula sa cal. .9mm. Nagpapatuloy ang isinasagawang pagtugis ng pulisya sa nakilalang salarin.