Titser, patay sa jeep

DEDO ang isang guro habang dalawa pa ang su­gatan nang araruhin ng pam­pasaherong jeep ma­karaang mawalan ng preno, kahapon ng tanghali sa Ramon Mag­saysay Boulevard corner Pu­reza St., Sta. Mesa, Ma­nila.

Kinilala ng Manila Dis­trict Traffic Enforcement Unit (MDTEU), ang bikti­mang si Bienvenido Luha, Jr., 49, teacher sa Rosauro Al­mario Elementary School, residente ng Sta. Mesa, Manila.

Arestado naman ang driver ng jeep na si Fernan­do Florida na nagpahayag na nawalan umano siya ng preno. Nadale rin matapos ma­salpok ng motorsiklo ang closed van na mina­maneho naman ni John Lee Espiritu.

Kaugnay nito, aalamin naman ni MDTEU SPO2 Mark Anthony Ramirez ang pangalan ng dalawa pang na­sugatan matapos mada­may sa insidente. Nakatakdang sampahan ng kasong reckless impru­dence resulting in homicide at physical injuries ang suspek.