Nanggulpi at nambato, 3 kelot kulong

KULONG ang tatlo ka­tao matapos pagtulu­ngang gul­pihin at pagbabatuhin ng bato ang tatlo katao sa Ca­loo­can City, kamakalawa ng gabi.

Kinilala ang mga suspek na sina Marlon Adorna, Chris­topher Royo at Mark Renel Bernardino na naha­harap sa kaukulang kaso ma­tapos maaresto ng rumes­pondeng mga barangay tanod ng Bgy. 168.

Sa inisyal na ulat, alas-11:55 ng gabi, bumaba ng pampasaherong jeep si Jo­lina Cortez, kasama si Rey­nald Libayan sa kahabaan ng Vicas Market Susano Road, Bgy. 168, Deparo nang kan­tiyawan ng mga suspek.

Sa hindi malamang da­hilan, bigla na lamang pinag­tulungan gulpihin ng mga suspek si Libayan na naga­wang makatakbo sa karin­derya na malapit sa lugar. Humingi ng tulong si Cortez kay Danilo Pisos na nagtangkang umawat suba­lit, pinag­tulungan din itong bugbugin ng mga suspek at pagbabatuhin ng bato sa ulo, mukha at dibdib.

Matapos nito, naglabas ng patalim si Bernardino at tinangkang undayan ng sak­sak si Emiliano Garcia na nakailag ngunit, hindi naka­ilag sa inihagis na bato ni Royo sa kanyang mukha na naging dahilan upang mawa­lan ito ng malay.