Kung maaaring magbenta ng gamot sa sari-sari store

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Ako ay matagal nang sari-sari store owner. Halos kumpleto na ang aking mga pa­nin­da mula sa pangu­nahing pangangaila­ngan hanggang sa school supply. May tinda rin akong bigas at mga wholesale na itlog at mantika. Gayunman, may kuma­re akong nagsabi na magtinda rin daw ako ng mga gamot upang imbes na sa botika sa bayan bumili ang aming mga kapitbahay ay sa akin na lang sila bibili. Naisip kong maganda itong ideya dahil pani­guradong dagdag-kita rin ito. Nais kong mala­man kung maaari ba akong magbenta ng mga gamot sa aking sari-sari store? — Minerva

Sagot

Para sa inyong kaala­man, ang batas na naka­sasaklaw sa inyong katanungan ay ang Section 30 ng Republic Act (R.A.) No. 10918 kung saan nakasaad na:

“Section 30. Dispensing/Sale of Pharmaceutical Products. – No Pharmaceutical product, of whatever nature and kind, shall be compounded, dispensed, sold or resold, or otherwise be made available to the consuming public, except through a retail drug outlet licensed by the FDA.” (Binigyang-diin)

Samakatwid, maaari lamang kayong magbenta ng gamot sa inyong tindahan kung kayo ay mayroong lisensiya para sa pagbebenta nito na mag­mumula sa Food and Drugs Administration (FDA).

Nawa ay nasagot namin ang inyong mga katanu­ngan. Nais naming ipaalala sa inyo na ang opinyong ito ay nakabase sa inyong mga naisa­laysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormas­yong ibibigay. Mas mainam kung personal kayong sasangguni sa isang abogado.

Maraming salamat sa inyong patuloy na pagtitiwala.