Ipoproklama na ang panalong senador at partylist, puwede nang mag-budots sa EDSA, he-he-he!

HINDI raw naospital si P-Digong.

Pero, hindi rin sinabi kung nagbabad siya sa Netflix!

◘◘◘

MALAPIT nang iproklama ang mga nagwaging senador at partylist.

Puwede na silang mag-budots dance sa EDSA!

◘◘◘

NAGPA-CANTON na si Sen. Manny Pacquiao sa mga nagwaging PDP-Laban candidates.

Nauna ang blowout sa proclamation!

◘◘◘

BAKIT daw natalo ang Otso Diretso?

Mali kasi ang gamit ng mga kataga.

Imposibleng maging diretso ang no. 8!

◘◘◘

KAPAG idiniretso ang no.8, magiging no.1 at hindi na otso.

Kasingkahulugan ng otso ay baluktot tulad ng nabalikong gulong at paliku-likong kalye!

◘◘◘

INAMIN ng naturang grupo na ang ‘tuwid’ na daan ni ex-P-Noy ay ginawa nilang otso.

Ibig sabihin, suntok sa buwan ang Otso Diretso!

◘◘◘

NILINAW ni Manila Mayor-elect Isko Moreno na hindi gigibain ang Manila Zoo at Arroceros Park.

Paano naman ang reclamation sa Manila Bay?

◘◘◘

Isa nang ‘presidentiable’ ang richest woman sa Pilipinas na si Cynthia Villar.

Mano po ninang!

◘◘◘

Biglang dumami ang karibal sa Malacañang ni Mayor Sara.

Magsisimula nang mag-black propaganda ang mga kolokoy!

◘◘◘

PINAYUHAN ni P-Digong si Inday Sara na huwag kumandidatong pangulo ng bansa.

‘Yan din mismo ang payo ni Inday Sara kay P-Digong bago nagwagi noong 2016!

. .