“I TRUST LADY EAGLES, THEY ARE MY FAMILY”- COACH ALMADRO

BUHAT nang una siyang maupo bilang bagong coach at nabigo sila sa season opening game kontra sa dating kampeong La Salle, walang naging pagdududa at hindi man lang nabawasan ang tiwala ni coach Oliver Almadro sa Ateneo Lady Eagles.

At ang tiwala niyang ibinigay sa buong koponan ay sinuklian din ng tiwala ng kanyang mga players na nagresulta ng muli nilang pagwawagi ng korona sa katatapos na UAAP Season 81 Women’s Volleyball Tournament.

“We lost the first match of the season,” pag-alala ng dating coach ng Blue Eagles sa kanilang panimula.

“Many people counted us out. May nagsabi pang bobo daw ang outside hitters namin, wala kaming receive, wala kaming defense.”

“They counted out my players, but me, I trust them. ‘Yun talaga ang pinaka importante sa lahat, you trust your family – this is family,” wika pa nito. “Many people counted us out but we made it!”

“It’s because of our faith and because of our courage. I really tell you, guys, it’s really the faith and the courage that brought us here,” dagdag ng Lady Eagles mentor.

Ginamit ni Almadro bilang “motivation” para sa kanyang team ang mga masasakit na salitang ibinato sa kanila noong simula upang magsilbing hamon at patunayan na mali ang lahat ng mga iniisip laban sa kanila.

“Sabi ko sa kanila when we lost the first game, it’s not important. What’s important is the last game of the season.”

“Yung game against FEU, sabi nila hindi raw kami mananalo sa FEU but we made it. This one, noong nakuha ng UST ang Game 1, sabi nila hindi raw namin matatalo ang UST pero we made it. Importante lang talaga ay they really want it,” saad pa ni Almadro. (VA)