3 holdaper utas sa pulis

TATLONG notoryus na holdaper ang nakipagbarilan hanggang sa mapatay ng kapulisan sa Bgy. Luta Sur, Malvar, Batangas.

Batay sa ulat, bago naganap ang insidente, hinoldap umano ng mga suspek na sina Ponciano Raul Leynes, 54; Leoncio Morada, 59, at dalawang hindi pa nakikilalang kasamahan nila ang Shell Gasoline Station sa Bgy. Bugtong, Lipa City.

Tumakas ang mga suspek patungo sa Malvar, Batangas kung saan sila hinarang sa isang checkpoint.

Sa halip na huminto, agad umano silang umiwas hanggang sa magkahabulan at nagkaroon ng barilan.

Duguang bumulagta ang tatlo habang nakatakas ang isa sa kasamahan nila na patuloy na tinutugis.

Narekober sa crime scene ang tatlong cal. .45 at dalawang motorsiklong ginamit ng mga ito.