SKATEBOARDING MINDANAO NA SA GO-FOR-GOLD CHAMPIONSHIPS

SUSUBOK ng kanilang suwerte ang pinakamatatapang at pinakamalulupet na skaters mula sa Silangan para sa puwesto sa national team sa sandaling magsimula na ang Mindanao Leg ng 2019 Go For Gold Skateboarding National Championships ngayong araw sa Saranggani province.

May halos 60 aspirants ang magdadaigan sa mga downhill challenge sa Barangay Bagacay sa Alabel, Saranggani at ang Game of Skate sa Robinsons Mall sa General Santos City. “I believe skateboarding is a great sport to encourage our youth. It’s not so expensive and can be done almost anywhere,” ayon kay Go For Gold godfather Jeremy Go.

Nanguna sina Skaters Abigail Viloria at Arianne Mae Trinidad sa women’s division sa nagdaang Luzon Leg ng nakaraang dalawang buwan habang sina Charles Louise Paje at Tomas Romualdez ang bumida sa men’s side. “We are looking for the best skaters in the regionals,” saad ni Monty Mendigoria, pangulo ng the Skateboarding and Roller Sports Association of the Philippines Inc.

“The top three participants from the regionals will get the chance to prove their worth in the national SEA Games Qualifying Championship,” dagdag ni Mendigoria, kung saan ang team ay nasuportahan ng Go for Gold Philippines. Ayon kay Mendigoria, itinakda nila ang Visayas qualifier sa June 1 at 2 na idaraos sa Iloilo Skate Park mula sa original venue sa Cebu City.

Lahat ng aspirants ay asam marating ang antas ni Cebuana Margielyn Didal, ang Filipino skateboarding idol na nagwagi ng gold medal sa Asian Games at biggest bet para sa 2020 Tokyo Olympics. “We feel that Margie and the skateboarding team will become our bright lights in the 2020 Olympics, and hopefully they can bring home our first Olympic gold medal,” ayon kay Go, vice president for marketing of Powerball Marketing and Logistics Corp. Ang top performers mula sa tatlong regional legs ay aabanse sa national finals sa Aug. 24-25 sa Sta. Rosa, Laguna at magdadaigan para sa slots ng SEA Games sa Nov. 30-Dec. 11. (MC)