Pulis binentahan | 5 TIMBOG SA DROGA

TIKLO ang limang hi­nihinalang sangkot sa iligal na droga kabilang ang dala­gang tulak na target ng iki­nasang buy-bust operation sa Caloocan City, kahapon ng madaling-araw.

Ayon kay Caloocan Po­lice Station Drug Enforce­ment Unit head P/Capt. Deo Cabildo, alas-2:30 ng mada­ling-araw nang ikasa ng mga operatiba ng SDEU sa pa­ngunguna ni P/Capt. John David Chua ang buy-bust operation kontra sa tulak na sina Diana Asisten alyas Diane, 32, at Jason Galero alyas Ulo, 27, sa Road 5 corner Tu­lay na Bato, GSIS Subd., Talipapa, Bgy. 164.

Nagawang makabili sa mga suspek ni PCpl. Rogelio Tu­mul na nagpanggap na poseur-buyer ng sachet ng shabu ka­palit ng P1,000 marked money.

Nang magbigay ang pulis ng signal sa kanyang mga kabaro na nagkaabutan na, agad lumusob ang back-up na mga ope­ratiba at sinung­gaban ang mga suspek.

Ani PCpl. April Teo­doro, narekober kay Asitena ang buy-bust money at isang pouch na naglalaman ng anim na sachets ng hinihi­na­lang shabu habang arestado rin sina Joefer Guache, 32, An­die Reyes, 42, at Rico Perez, 45, matapos makuha­nan ng tig-isang sachet ng shabu.