Pang-15 sa partial, official results — Comelec | JINGGOY, NAG-CONCEDE NA

TINANGGAP na ni dating Senador Jing­goy Estrada ang kanyang pag­katalo sa sena­torial race. Gayunman, mistulang nagpasaring naman si Es­tra­da sa kapatid na si Sena­dor JV Ejercito.

Matatandaang, may tam­puhan sa pagi­tan ng da­lawa matapos kapwa igiit na isa lang sa kanila ang dapat tumakbo sa katata­pos na eleksiyon. Ayon kay Jinggoy, tang­gap na umano niya ang kan­yang pagkatalo.

Samantala, pinadalhan na umano ng imbitasyon ng Commission on Elections (Co­melec) ang mga nanalong kandidato para sa prokla­masyon ng mga nanalo sa pagka-senador sa Linggo.

Ayon sa source, binig­yan na ng heads-up ng Co­melec ang mga ipoprokla­mang na­na­long senador sa mangyayaring procla­ma­tion ceremony. Ang imbitasyon ay mula uma­no sa tanggapan ni Co­melec Chairman Sheriff Abas.

Gaganapin ang sere­monya sa Philippine Inter­national Convention Center (PICC) sa Pasay City kung saan isinasagawa ang can­vassing ng National Board of Canvassers.

Ilan sa napadalhan uma­no ng imbitasyon ng poll body ay ang tanggapan nina Sen. Cynthia Villar at Sen. Grace Poe.

Gayunman, wala pang inilalabas na kum­pirmasyon ang Comelec hinggil sa prok­la­masyon ng mga nanalo sa senatorial elections.

Samantala, ang nabilang ay 129 certificates of canvass (COC) sa kabuuang 167.

Narito ang huling tally ng NBOC-Co­melec as of 9:30 ng gabi ng Huwebes, Mayo 16.

1. Cynthia Villar - 19,383,224 votes

2. Grace Poe - 17,043,889 votes

3. Bong Go - 15,685,847 votes

4. Pia Cayetano - 15,330,363 votes

5. Ronald dela Rosa - 14,529,585 votes

6. Sonny Angara - 14,023,811 votes

7. Lito Lapid - 12,628,054 votes

8. Imee Marcos - 12,618,428 votes

9. Francis Tolentino - 11,975,435 votes

10. Koko Pimentel - 11,283,357 votes

11. Nancy Binay - 11,041,386 votes

12. Bam Aquino - 11,001,047 votes

13. Bong Revilla – 10, 988, 697 votes

14. JV Ejercito – 10, 984, 412 vote

15. Jinggoy Estrada – 8, 654, 021 votes