Nanlabang wanted patay

LEYTE—Isang most wanted criminal ang napatay nang makipagbarilan sa pulisya, kamakalawa sa Bgy. Tambulilid, Ormoc City sa lalawigang ito.

Ang suspek ay nakilalang si Joel Padilla, nakatira sa naturang barangay.

Ayon sa ulat, darakpin ng pulisya si Padilla sa bisa ng warrant of arrest na inisyu ng korte kaugnay sa kinasasangkutan nitong kasong paglabag sa Dangerous Drugs Act of 2002, pero nanlaban ang suspek at pinagbabaril ang pulisya.

Kaagad namang gumanti ng putok ang mga awtoridad na naging dahilan kaya napatay ang suspek.