Kahit pa raw tinatamad ka, besh! MGA BENEPISYONG MAKUKUHA SA PAGLIGO BAGO MATULOG, ALAMIN!

KAWAY-kaway sa mga tropa natin diyan na hirap gumising sa umaga, ‘yung tipong dapat munang buhu­san ng tubig para lang bumangon!

Sadyang mahirap bumangon at gumising tuwing umaga, lalo na ngayong nakararanas na tayo ng pag-ulan. Kara­mihan sa atin ay umaasa na lang sa paliligo o pagsa-shower tuwing umaga kung saan magi­gising ang ating diwa, lalo na kung matindi ang antok natin na hindi kayang labanan ng matapang na kape.

Ngunit, ayon kay Isadora Baum, CHC, health coach, mas mai­nam maligo o mag-shower tuwing gabi kay­sa sa umaga sapagkat mas maraming benepis­yo ang maidudulot nito sa ating katawan. Dag­dag pa niya, magagawa rin nitong ayusin ang ating pagtulog. Sadyang napakaimportante ng 7 hanggang 9 na oras na pagtulog para maging energetic tayo, kinabu­ka­san at ang paliligo o pagsa-shower sa gabi bago matulog ay maka­tutulong upang maging productive tayo, kina­bu­­ka­san.

Ayon sa ilang pag-aaral, narito ang mga dahilan na da­pat tayong ma­li­go o mag-shower gamit ang maligam­gam na tubig bago matulog:

1. YOU CAN’T GET ACNE. Napakasarap matulog sa gabi pagkatapos suma­bak sa nakapapagod na araw. ‘Yung pag-uwi ng bahay, madalas mas pipiliin nating matulog kaagad kaysa kumain pa ng hapunan. Ngunit, ayon kay David Lorts­cher, certified dermatologist, ang madalas na pagtulog nang may pawis ay maaaring magdulot ng acne sa katawan at mukha, kaya mainam na mag-shower o maligo bago matulog upang maalis ang mga oil at dirt na nakuha natin maghapon.

2. SHOWERING AT NIGHT IS SO RELAXING. Ayon sa mga mananaliksik mula sa Har­vard University, ang showering o paliligo nang hindi hihigit sa 90 minuto ay nakapagre-relax ng pagtulog. Ayon kay Dr. Janet K. Kenne­dy, psychologist, ang katawan ay natural na nagku-cool down sa tuwing natutulog tayo at ang paliligo ay nakatu­tulong upang mapabilis ang pag-cool down nito at mapahimbing ang ating tulog. Dagdag naman ni Michael Grandner, director of the Sleep and Health Research Program sa University of Arizona, ito ay makatutulong upang ma-relax at ma-unwind ang ating isipan.

3. IT CAN KISS YOUR HEADACHE AND STRESS GOODBYE. Sa loob ng isang araw, napakaraming pangya­yari na nakapagdudulot sa atin ng stress na kung minsan ay nadadala natin hanggang sa pagtulog. Ayon sa Mayo Clinic, ang pagligo o pag-shower gamit ang maligamgam na tubig ay nakatutulong upang ma-relax ang muscles at mabawasan ang pagsakit ng ulo at stress.

4. IT CLEARS YOUR NOSE. Ayon sa manunulat ng North Carolina na si Jody Hel­mer, ang pagsa-shower o pali­ligo gamit ang mali­gam­gam na tubig ay nakatu­tulong upang maging ma­lu­wag ang ating paghinga.

Oh, ayan mga tropa, alam na natin ngayon ang ilan sa mga benepis­yo ng paliligo sa gabi, pero paalala lang, baga­ma’t, mainam ang pag­sa-shower o paliligo sa gabi bago matulog, ang matulog nang basa ang buhok ay hindi nakabu­buti sa kalusugan. Ayon kay professor of dermatology ng University of Pennsylvania na si Dr. George Cotsarelis, na­ka­sisira ng hair follicles ang pagtulog nang basa ang buhok, kaya mainam na patuyuin muna ito.

Okie?