Ginulpi, pinasukan ng pipino sa ari | OFW, PATAY SA AMO

PATAY ang 47-anyos na overseas Fi­lipino worker (OFW) sa Kuwait matapos umanong pagmalupitan at abusuhin ng kanyang amo.

Ayon sa Department of Labor and Employment (DOLE), ang nasawing domestic household worker ay si Constancia Lago Da­yag na taga-Agadanan, Isa­bela.

Ani Labor Sec. Silvestre Bello III, batay sa inisyal na ulat, dinala si Dayag sa Al-Sabbah Hospital pero, idi­neklara itong dead-on-arrival.

Marami umanong pasa at sugat sa iba’t ibang bahagi ng katawan ang OFW.

May nakita pa umanong pipino sa pribadong bahagi ni Dayag.

Kaugnay nito, inutusan ng kalihim ang Philippine Overseas Employment Ad­mi­nistration (POEA) at Phi­lippine Overseas Labor Office (POLO) na ha­napin ang foreign at local agencies na nagpadala sa OFW sa Kuwait.

Samantala, nakiramay ang opisyal sa pamilya ni Dayag at nangako ito ng tu­long at hustisya para sa bik­ima.

Ang panibagong insi­denteng ito ng pagpatay sa Filipina worker ay ka­sunod ng pamamaslang kay Joanna Demafelis na ang bangkay ay natagpuan sa loob ng freezer. (BRT)