Ultimatum sa basura, dinedma | MGA AMBASSADOR, CONSUL NG ‘PINAS SA CANADA, UWI — DFA

INIUTOS ni Depart­ment of Foreign Affairs (DFA) Secretary Teodoro ‘Teddyboy’ Locsin na i-re­call ang lahat ng opisyal at tau­han ng Embahada at ng Konsu­lado ng Pilipinas na nakabase sa Canada.

Anumang araw o oras ay ipauuwi na sa bansa ang mga opisyal at mga empleyado ng Embahada.

Ayon sa kalihim, i-recall ang lahat ng opisyal at mga tauhan nito matapos duma­ting ang deadline na Mayo 15 na ibinigay ni Pangulong Rodrigo Duterte na hakutin ng Canada ang kanilang mga basura sa bansa.

Nabigo umano ang pama­halaan ng Canada na tuma­lima sa Mayo 15 deadline ng pamahalaan para hakutin ang kanilang basura na nasa Pili­pinas na kanilang ipinadala.

Binigyang-diin ng opis­yal na seryoso ang pangulo sa mga pahayag nito na dapat gumawa ng hakbang ang Canada para mahakot ang kanilang mga basura sa ban­sa. Sinabi pa ni Locsin na hin­di niya pababalikin sa Ca­nada ang mga opisyal at em­pleyado na pinauwi sa ban­sa hangga’t hindi inia­alis ang mga basura rito.

Naglabas ng kautusan si Locsin kahapon sa mga am­basador o opisyal sa nasa­bing bansa na hindi sila ma­kababalik doon sa loob ng ilang araw hangga’t hindi sila makatugon sa kautusan ng pangulo na ibinigay na dead­line nito.

Itinakda ni Pangulong Duterte ang deadline upang ibalik sa Canada ang basura na may 100 containers ng basura na puno ng laman ng bottle, plastic bag , diaper at iba pa na dumating sa May­nila noong 2013 hanggang 2014.