SUSUBUKIN ANG PINOY BOXERS SA THAILAND AT KAZAKHSTAN

SASALI ang Pinoy boxers sa dalawang Asian Boxing tournaments sa Thailand at Kazakhstan sa Hulyo bago pangalanan ang boxers na lalaban sa 30th Southeast Asian Games kung saan muli na naman mapalalaban ang Pinoy sa mga bigating boxers sa 10 mga bansa kasama ang mortal na kalabang Thailand.

“We will name the official line-up to the SEA Games right after the two boxing competitions. The two international boxing competitions will test the mettle of our boxers how really skilful and prepared for the meet,” sabi ni Alliances of Boxing Association in the Philippines (ABAP) secretary general Ed Picson.

“The two tournaments are very important because we will know and determine the individual skill of the boxers. SEA Games will be held in our country, it is logical to field our best boxers to win medals,” wika ni Picson.

Ayon sa dating PBA sportscaster, walong boxers ang ipadadala nila sa Thailand at Kazakhstan tampok ang mga bigating boxers sa Asya at iba pang imbitadong bansa na may basbas ng Asian Boxing Confederation.

Ang mga prominenteng boxers na lalaban sa dalawang prestihiyosong boxing competitions na sinuportahan ng Philippine Sports Commission ni Chairman William Ramirez ay sina Ian Clark Bautista, Mario Fernandez, Rogen Ladon at James Palicte.

Sinabi ni Picson na walong lalake at limang babaeng boxers ang kakatawan sa ‘Pinas sa SEA Games na pang-apat na beses na gagawin sa bansa mula 1981 at huling nilaro sa Malaysia noong 2017.