Papasok na mga bagong senador, pabor — Sotto | BITAY, MATAAS ANG CHANCE

INIHAYAG ni Senate President Vicente ‘Tito’ Sotto III na mataas ang pagkakataong maibalik ang death penalty o parusang kamatayan sa bansa.

Ito ay dahil sa posibleng pagpasok ng mga nangungunang senador na pabor sa nasabing panukala.

Ani Sotto, naging basehan din nito ang pagboto ng mga mamamayan dahil alam ng publiko kung sinu-sinong kandidato ang pabor at hindi pabor sa death penalty.

Ayon pa sa pangulo ng Senado, payag na siyang huwag ipasa ang nasabing panukala ngunit, kung mataas ang kaso ng drug trafficking sa bansa, kailangan na umano itong ipatupad.