Malinaw ayon sa birthday... LALAKING NAKATAKDANG TULUNGAN NG KAIBIGAN SA PROBLEMANG PAMPINANSIYAL

Maestro Honorio Ong

Dear Maestro,

Ang bilis lu­mipas ng panahon. Ka­ilan lang ay maunlad na maunlad ang buhay na­min.

Noong kagagaling ko lang sa abroad, ma­ganda ang buhay na­min, pero dahil hindi na ako nakapaghanapbu­hay ay naubos na ang la­hat ng savings at mga naipundar ko.

‘Yung bahay at lupa na nabili ko noon, nga­yon ay malapit ng ma­ku­ha ng bangko.

Sa ngayon na may edad na ako ay hindi na rin ako puwedeng mag-abroad dahil marami na rin akong sakit na nara­ram­da­man.

Tanging pagtaya-taya na lang sa lotto ang inaasahan kong mag-aahon sa aking pamilya sa kahirapan.

Kaya sana, Maestro, mabigyan ninyo ako ng masusuwerteng numero na dapat tayaan sa lotto nang sa gayun ay maka-jackpot ako. February 13, 1965 ang birthday ko.

Umaasa,

Mr. Aquarius ng San Roque, San Luis, Pampanga

Dear Mr. Aquarius,

Ang birthday mong 13 o 4 (1+3=4) sa zodiac sign na Aquarius ay nagtatag­lay ng planetang Uranus-Pluto. Ibig sabihin, ito rin ang tunay na larawan ng kapalarang nagaganap sa iyo sa kasalukuyan kung saan matapos suwertehin at umunlad, nakatakda kang daganan ng katakut-takot na problema at mga pagsubok.

Ngunit, may katapu­san din ito dahil sa ban­dang huli, malahimala na bigla kang muling susu­wer­tehin sa buhay, mala­dramatikong makaaahon hanggang sa magkaroon kang muli ng maalwan at maligayang pamumuhay, basta ang mahalaga lang sa kasalukuyan ay huwag kang bibitaw o susuko sa bawat hamon ng kapa­la­ran na dumarating sa inyo, ‘ika nga, manatili kang matatag at matibay.

Samantala, bukod sa sarili mong mga nume­rong 1, 4, 13, 28 at 34, ma­palad ka rin sa 11 at 16.

Ayon sa Numero-Com­­patibility, ang iyong kai­bigang isinilang sa zodiac sign na Libra o kaya ay Gemini ang makatutulong sa iyong mga problemang pampinansiyal upang ma­absuwelto ka sa iyong mga pagkakautang na si­yang darating bago mata­pos ang 2019.

Upang masapol mo ang malaking halaga sa lotto, maghanap ka ng lotto outlet na napaliligi­ran ng mga salamin o kaya ay lotto outlet na 100% yari sa salamin, ang lotto out­let na nabanggit ang mag­papatama sa iyo ng mala­king halaga ngayon 2019 hanggang 2020, sa edad mong 54 hanggang 55 pataas.