Suppliers ng balota, marking pen at SD cards, talupan

IIMBESTIGAHAN ng Commission on Elections (Comelec) ang suppliers ng mga balota, marking pen at SD card na ginamit sa kata­tapos na halalan.

Ayon kay Comelec Chair­­man Sheriff Abas, inatasan na niya ang kanilang Law Department na suriin ang kontrata ng kanilang mga supplier na Triplex Enter­prises Incorporated na nag­suplay ng mga ballot paper at marking pen at S1 Tech­nologies Incorporated and Silicon Valley Computer Group joint venture na nag­suplay naman ng SD cards.

Ayon sa Bids and Awards Committee ng Comelec, ang kontrata ng mga ito ay nag­kakahalagang P153.8 mil­yon at P22.6 milyon.

Kasama sa aalamin ng Law Department ay ang mga posibleng multa sa na­sabing mga kumpanya kung ma­patutunayang may na­labag ang mga ito sa kon­trata.

Tiniyak naman ng poll chief na bibigyan ng pagka­ka­taon ang mga ito na maka­pagpaliwanag.