Sasakyan sumalpok sa poste at salon | LOLO DEDBOL

DEDO ang 68-anyos na lolo matapos bumangga sa bakal na poste at isang establisimyento ang minamaneho nitong sasakyan sa Valenzuela City, kahapon ng madaling-araw.

Kinilala ni Valen­zue­la Police Chief P/Col. David Nicolas Poklay ang biktima na si Felici­mo Hamor, Jr., ng Con­cepcion, Malabon City.

Sa imbestigasyon ng Valenzuela Police Traffic Management Unit, ala-1:00 ng madaling-araw, minamaniobra ng biktima ang kanyang Isuzu jitney (NYB 283) sa kahabaan ng M.H. del Pilar, Poblacion St., Bgy. Polo, nang bu­mang­ga ang hulihang bahagi nito sa bakal na poste ng signage.

Nagtuluy-tuloy ang sasakyan hanggang sa tumbukin nito ang isang beauty salon.

Sa lakas ng impact, nagtamo ng mga sugat sa katawan ang biktima.

Dinala ng Valenzuela Rescue Team sa Valen­zuela Medical Center subalit, hindi na rin ito umabot ng buhay.