LILLARD NAGBABANTA NA; DURANT BOMALABS SA GAME 1

INAASAHAN ni Damian Lillard na magiging maganda ang laro ng kanilang team sa hometown arena sa sandaling makaharap na ng Portland Trail Blazers ang two-time defending champion Golden State Warriors sa Western Conference Finals, kung saan ang best-of-seven series ay magsisimula ngayong araw sa Oakland, California.

Naging napakahusay sa paglalaro ngayon ni Lillard at isa na siya sa listahan ng ‘most accomplished Oakland High’ na unang pinanggalingan ng mga mahuhusay ding sina David Carradine, Jackie Jensen, Jack London at Bill Rigney, na siyang nagbigay ng game-winning 3-pointer na sinasabing kanyang final shot sa Oracle Arena mula nang gawin ang isang one-point overtime win noong Disyembre. Bahagi ito ng 113-point, four game season series na nagawa ng Oakland native laban sa Warriors, pinakama­raming puntos kontra sa Golden State sa regular season. Samantala, bomalabs daw na makalaro si Golden State star Kevin Durant ngayong araw para sa first game ng NBA Western Conference Finals at ayon kay coach Steve Kerr na baka sa kabuuan ng best-of-seven series ay hindi ito makalaro laban sa Portland Trail Blazers.

Isa si Durant sa listahan ng mga hindi lalaro sa Oakland, California dahil sa injury at sinabi ni Kerr sa reporters na hindi niya alam kung kailan makababalik si Durant sa laro dahil sa ‘right calf strain.’ “Everyone needs to slow down a little bit on the Kevin stuff,” saad ni Kerr matapos ang team praktis kahapon. “He hasn’t even stepped on the floor yet. We’ve tried to remain somewhat vague because the injury is open-ended in terms of how much time he will need to recover.” Ayon kay Kerr, hindi sila sigurado sa pagbabalik ni Durant. “He still has pain,” ani Kerr. “So there’s time ahead of him on the rehab process.” (MC/ATD)