Hirit ng Otso Diretso | TULOY ANG LABAN

TINANGGAP na ng ilang senatorial candidates ng Otso Diretso coalition ang ka­nilang pagkatalo sa ka­ta­tapos na 2019 senatorial race.

Ito ay kahit na hindi pa kumpleto ang natatanggap na election returns sa servers ng Commission on Elections (Comelec).

Sina dating Solicitor Ge­neral Florin Hilbay, dating congressman Erin Tañada at Marawi civic leader Samira Gutoc ay nasa ika-29, ika-25 at ika-27 sa ranking ng mga boto batay sa pinaka­huling partial at unofficial tally mula sa Comelec trans­parency server.

Nagpasalamat naman si Gutoc sa mga bumoto sa ka­nila at sinabing hindi dito na­tatapos ang kanilang laban.

“We concede the elec­tions but we do not concede our principles,” pahayag na­man ni Tañada.

Binati naman ni Hilbay ang mga nanalo sa halalan at iginagalang niya ang pasya ng taumbayan.

Aminado naman si Ta­ñada na sa simula pa ay hindi na sila umaasang mananalo sa halalan.

Una nang nag-concede mula sa Otso Diretso si Atty. Romulo Macalintal at nagpa­salamat sa mga sumuporta sa kanya.

Umaasa na lang umano sila na kahit si Sen. Bam Aquino o dating Sen. Mar Roxas man lang ay maka­pasok sa Magic 12.

Samantala, ang mga na­kasama sa unang 12 sa ran­king ay mga kandidato na pawang kaalyado ng admi­nistrasyon.