GILAS WOMEN’S TEAM, READY NA SA FIBA 3X3 ASIA CUP

HANDA nang sumabak sa 2019 FIBA 3X3 Asia Cup ang koponan ng Pilipinas na sina Janine Pontejos, Clare Castro, Afril Bernardino at Jack Danielle Animam si­mula ngayong Mayo 22 hang­gang 26 sa Changsha, China.

Malaking hamon ang nag­hihintay sa mga Pinay dahil kailangan nila munang dumaan sa qualifying round bago masama sa main draw ngunit kampante si Coach Patrick Aquino na kakaya­nin ito ng kanyang mga man­la­laro.

Una nilang lalabanan ang mga koponan ng Chi­nese-Taipei, Samoa at Va­nuatu sa qualifiers. Kung pa­palarin, ilalagay sila sa Gru­po C kasama ang naghi­hin­tay na Japan at Sri Lanka.

Ang iba pang bansa na maaring makaharap ng Pili­pinas patungo sa kampeo­nato ay ang defending cham­pion New Zealand, Australia at host China sa Grupo A, Mongolia, Kazakhstan at Kyrgyzstan sa Grupo B at Iran, Turkmenistan ang isa pang qualifier sa Grupo D. Ang Malaysia, Maldives, Thai­land at India ang mag­lalaban para sa isa pang puwesto.

“Medyo mahirap at mas maraming karanasan sa 3X3 ang aming mga maka­ha­harap pero gagawin na­min ang lahat para umangat ang Pilipinas,” wika ni Coach Aquino sa lingguhang Phi­lippine Sportswriters Asso­ciation (PSA) Forum sa Ame­lie Hotel Manila.

“Target din namin ang 2020 Tokyo Olympics at pati na rin ang 2024 Paris Olym­pics kaya sasali kami para tumaas ang puntos natin sa FIBA.”

Maliban sa 3X3, inaasa­han na sasali si Pontejos sa Three-Point Shootout. Para naman sa 6’2" na si Ani­mam, masaya siya at nabi­big­yan na ng pansin ang bas­ketball ng kababaihan.

Hindi sumali ang Pilipi­nas noong 2018 sa Shen­zhen na nagtapos noong Mayo 1. Sa halip, sina Ani­mam, Pontejos at Bernar­dino kasama si Gemma Mi­randa ang kumatawan sa bansa sa 2018 FIBA 3X3 World Cup na ginanap sa Philippine Arena sa su­munod na buwan.