Vote-buying sa buong bansa, talamak — Comelec | HALALAN 2019, PERA-PERA

LABIS ang pagkadis­maya ni Com­mis­sion on Elections (Comelec) Com­missioner Rowena Guan­zon sa aniya’y pinakamalalang mga insidente ng vote-bu­ying na naganap nitong mid­term elec­tions na idinaos kahapon, Lunes.

Ayon kay Guanzon, ito na ang pinakamalalang vote- buying incident na kanyang nakita dahil ang bilihan ng boto ay kada pamilya na.

Nakakalungkot aniya na ‘corrupted’ na ang family va­lue system na dapat aniyang matuldukan.

Una nang sinabi ng Co­melec na mababa ang insi­dente ng mga election-rela­ted violence na naitala nila ngayong midterm elections, ngunit, aminadong mas ma­raming vote-buying inci­dents ang nai-report sa ka­nilang tanggapan.

Tiniyak naman ng Co­melec na paiimbestigahan nila ang naturang mga insi­dente at pananagutin ang mga taong sangkot dito.

Salig sa itinatakda ng batas, ang sinumang mapa­tutunayang sangkot sa pa­mi­mili ng boto ay maaaring mabilanggo ng mula isa hang­gang anim na taon, ma­harap sa diskuwalipikasyon sa pag­­hawak ng anumang pu­westo sa gobyerno at mata­tang­galan pa ng karapa­tang ma­kaboto.