Alamin mula kay Maestro... MGA BAGAY NA DAPAT GAWIN NG TANDANG NGAYONG TAON NG MGA BABOY

Maestro Honorio Ong

NGAYONG 2019, sina­sa­bing maraming mga bagay at pangyayari ang papabor sa kapalaran ng Tandang, kaya anuman ang kanyang simulan at gawin, tiyak na ito ay mag­ta­tagumpay. Ibig sabihin, susu­wertehin at magkakaroon ng magagandang kapa­laran ang Tandang nga­yong Taon ng mga Ba­boy, lalo na sa career, pag-ibig at aspetong pam­pi­nansiyal.

Dagdag pa rito, sinasabi ring ‘yung mga dating kabiguan at mga negatibong naganap sa bu­hay ng Tandang ay unti-unti nang matatakpan ng tagumpay at kaliga­yahan ngayong 2019.

Sinasabi ring bagama’t, may mga maliliit na problema at suliraning ka­katok sa kapalaran ng Tandang nga­yong taon, ang lahat ng mga sulira­ning ito ay madali namang marere­solba at malulutas.

Ang ikinaganda pa nito, posible ring ‘yung mga pangit na kapalaran ay mai-convert o mas mapagaganda pa ng matalinong Tandang nang hindi niya inaasahan. Kumbaga, sa kabila ng mga suliranin, may dagdag na su­werte at magagandang kapalaran pang bigla-bigla na lang darating.

Sa mga dadaluhang pagtitipon, sinasabi ring dagdag na salapi ang mapakikinabangan ng mga Tandang kung saan may pangako rin ng makabuluhang mga paglalakbay at dobleng-tubo o kita sa anu­mang invest­ment na ka­nilang pa­pa­su­kan. Ma­rami ring sorpre­sa at hindi inaasahang ka­ra­nga­lan ang mata­tang­gap ng Tan­dang ngayong 2019.

Upang lalong makamit ang mga pagpapala at mabuting kapalaran, imi­numungkahi na dapat umiwas ang mga Tandang sa matitinding pakiki­pagtalo at debate.

Nangyari ito dahil may babala ang kapalaran na ang maliliit na hindi pag­kakaunawaan ay mauuwi sa malalaki at malalang problema, pero kung mapananatiling kampante at hindi magiging marahas, sa halip, ay pai­iralin ang diplomasya at kahinahunan, tulad ng nasabi na, mas marami pang suwerte at maga­gandang kapalaran ang bubuhos sa karanasan ng Tandang.

Sa negosyo at pagkakakitaan, sinasabing aangat nang husto sa aspetong pampinansyal at pang­kabuhayan ang Tandang, ang problema nga lang, kapag hindi niya iniwasan ang sobrang luho at wala sa lugar na paggastos, maaaring ang magandang kabuhayan o ang mga salaping tatanggapin ng Tandang ngayong 2019 ay unti-unti ring mauubos at masisimot.

Ibig sabihin, kung ikaw ay Tandang at kumita ka ng malalaking halaga ngayong 2019 o kaya ay nakahawak ka ng dambuhalang halaga ng salapi, dapat mo pa ring pairalin ang pagtitipid at pagsisinop ng kabuhayan upang lubos mong mapakinabangan ang mga biyayang pangmateryal na ipagkakaloob sa iyo ng langit.

Sinasabi ring maraming magagandang oportu­nidad ng pagkakakitaan ang darating sa Tandang na dapat hindi siya matakot o mag-alinlangan, sa halip, tuka lang nang tuka sa bawat butil ng mga biyaya na mahuhulog mula sa langit.

Kung magbebenta naman o bibili ng mga bagay, hindi ito inirerekomenda ngayong Taon ng mga Baboy, sa halip, ang pagbebenta at pagbili ay dapat gawin sa susunod na taong 2020.

Dagdag pa rito, hindi rin inirerekomenda na magbago ng career, sa halip, mas magiging maunlad at aasenso ang career kung pansamantalang mana­natili muna sa dating pinagkakakitaan at ikinabubuhay ang Tandang.

Ang pinakapaborable at magandang gawin ng Tandang ngayong 2019 para sa kanyang career at kabuhayan ay ang magdagdag ng skills at kaalaman.

Sa ganyang paraan, pinagsikapang i-develop ang iyong personality at skills, lalo pang magniningning ang suwerte at magagandang kapalaran ng Tandang sa buong taon.

(Itutuloy)