Aberya sa halalan | BAHALA ANG COMELEC — DIGONG

IPINAUUBAYA muna ni Pangulong Rodrigo Duterte sa Commission on Elections ang naging problema sa pagpalya ng mga vote-counting machine.

Ayon kay Duterte, masyado pang maaga upang magsagawa ng imbestigasyon kaugnay sa nasabing isyu.

Binigyang-diin ng pangulo na trabaho ito ng poll body na dapat magpaliwanag din muna sa publiko hinggil sa aberyang idinulot ng pagpalya ng mga VCM

Dahil dito, umabot ng mahabang oras ang pagpila ng mga botante para lamang makaboto.

Giit pa ni Duterte, sakaling may aberya sa pagsasagawa ng eleksiyon ang Comelec bilang isang independent body ang siyang mangangasiwa rito.