NEW DIRECTION AT REPORMA SA SPORTS HINIHILING NA

TILA humihina ang performance ng Pinoy athletes sa pandaigdigang mga laro kabilang na ang Southeast Asian Games.

Resulta raw ito ng kawalang hustisya, hindi pagkakasundo at walang pagkakaisa sa mismong Philippine Olympic Committee (POC).

Ang naturang sentimyento ay ibina­hagi ni retired Lt. Gen. Charly Holganza, ang lead convenor ng Reform Philippine Sports (RP Sports) movement sa lingguhang Usapang Sports forum na inorganisa ng Tabloids Organization in Philippine Sports (TOPS) Thursday sa National Press Club sa Intramuros, Manila.

“Bumababa na ang performance natin sa sports. Sa Southeast Asian Games nga bumagsak na tayo sa sixth place,” ayon kay Holganza, na hindi bahagi ng anumang sports organization pero ninanais na palakasin ang adbokasiya na ireporma ang Philippine sports. “Marami ang nasasayang na energy sa agawan ng puwesto at awayan sa liderato kaya napababaya­an na ang mga atleta. Ang purpose namin dito ay ang maibalik ang pride and dignity sa Philippine sports. First on the group’s agenda is to reinstate the four associations which were “unceremoniously” and “unjustly” disenfranchised by the POC.”

Una na rito ang Philippine Bowling Congress (PBC), Table Tennis Association of the Philippines (TATAP), Philippine Volleyball Federation (PVF) at Philippine Dragon Boat Federation (PDBF). Ang grupo ay naghahanap ng constitutional report sa POC at burahin na ang paboritismo at “bata-bata” mentality sa mga sports leaders.

Hinihiling din nila sa POC na rebisahin at ibasura ang mga non-performing NSA’s (national sports associations) “Kapag walang ginagawa ang NSA para palakasin ang kanilang sports at kapag hindi ito na nananalo sa mga international tournaments, dapat palitan na ang leadership,” dagdag ni Holganza.

Ang mga miyembro ng grupo ay nagsabi na suportado nila si Ricky Vargas mula nang maging kapalit siya ni dating POC president Peping Cojuangco. Ngayong ang POC ay pinamumunuan na ni Vargas ang mga hinaing ay patuloy pa rin. “We thought that the needed reforms would finally be put in place. We thought that with his new direction, the problems of the divided communities will finally be resolved,” saad ni Holganza. (MC)