Sa iba’t ibang kurso | 89 PRESO NG BILIBID, GUMRADWEYT

NASA 89 preso ng New Bilibid Prison (NBP) ang nagtapos ng iba’t ibang kurso sa Muntinlupa City.

Nasa ika-30 taong programa na ang University of Perpetual Help Bilibid Extension School sa pamumuno ng CEO at Chairman of the Board ng naturang unibersidad na si Dr. Brigadier General Antonio ‘Tony’ Tamayo.

Isinagawa ang nasabing pagtatapos sa loob ng NBP, Medium Security Compound, Camp Sampaguita, Muntinlupa City.

Dinaluhan ito ni Bureau of Corrections Director Nicanor Faeldon, bilang panauhin at punong tagapagsalita ng naturang okasyon.

Sa 89 presong nagtapos, 25 ang nagtapos para sa kursong Bachelor of Science in Entrepreneurship, 42 sa Computer Hardware Servicing at 22 sa Senior High School.

Ang Bilibid Extension School ay isang comprehensive program ng University of Perpetual upang makatulong sa rehabilitasyon ng mga preso.

Mula nang itatag ito noong 1985, nasa 564 inmates na ang nakapagtapos ng iba’t ibang kurso sa ilalim ng naturang programa.