World class na sistema ng edukasyon para sa kinabukasan ng kabataan, aprub!

KUYA WIN GATCHALIAN / WIN TAYONG LAHAT

SA ating bansa matatagpuan ang pina­kamatandang unibersidad sa Asya, ito ang University of San Carlos sa Cebu City na itinatag noong 1595.

Ilan din sa mga matatandang unibersi­dad at kolehiyo ay ang University of Santo Tomas na itinayo noong 1611 habang ang Colegio de San Juan de Letran naman ay noong 1620.

Maraming estudyante na mula pa sa iba’t ibang bansa tulad ng Vietnam, Korea, In­donesia, Taiwan at iba pa ang dumarayo sa ating bansa upang maka­pagtapos ng kani­lang pag-aaral sa ko­lehiyo.

Kaya kailangang patuloy lamang na makiakma ang ating bansa sa kalakaran ng edukasyon sa ibang bansa na tinata­wag na globalisasyon at internasyunali­sasyon.

Mainam na ang mga kolehiyo at uni­bersidad ay nakikilahok sa World at Asia university rankings; international pro­gram accreditation at quality assess­ment; faculty at student exchange; re­search; publication at citation at in­ternational networking at linkages.

Isa pa sa ating tinutugunan ay ang pagsunod sa mga requirement ng Asso­ciation of Southeast Asian Nations (ASEAN) integration tulad na lamang ng faculty qualifications accreditation at curricular review.

Nararapat ding bigyang-pansin ang mga aralin sa engineering, nursing, sur­veying, architecture, dentistry, medicine at accountancy para sa pagpapabuti ng access at kurikulum ng mga estud­yan­teng nasa kolehiyo.

Dapat palagi tayong bukas sa pagba­bago para sa ikahuhusay ng mga susu­nod na henerasyon.

Ito sana ay magsilbing hamon para sa ating lahat upang mas lalo pa nating mapaangat ang kalidad ng ating edu­kasyon, lalo na sa kolehiyo kaya naman todo ang ating pagtutulak ng iba’t ibang mga panukala at polisiya upang maka­mit natin ang mataas at world class na sistema ng edukasyon para sa kinabu­kasan ng kabataang Pilipino.

Tulad na lang ng University of the Phi­lippines o UP na naging pang-apat sa pinakamagaling na unibersidad sa 100 institusyon sa Southeast Asia, ayon sa London-based magazine na Times Higher Education, base ito sa kalidad ng pagtuturo, research, citation, industry income at international outlook.

Panahon na upang ibalik ang ga­nitong magagandang pagkilala sa ating bansa.

Sa pamamagitan nito, hindi tayo dapat maging kampante lamang sa kung ano ang kasalukuyang estado sa sektor ng edukasyon kundi maging mapamaraan at malikhain sa pagpapahusay pa lalo nito upang makasabay tayo sa bilis ng pag­babago at pagpasok ng modernong tek­nolohiya.

Ating patunayan na hindi nalalayo at pahuhuli ang kabataang Pilipino sa kanilang husay at galing sa pag-aaral!

May katanungan ka ba, reklamo o naisihingi ng tulong? Sumulat sa WIN TAYONG LAHAT ni Kuya Win Gatchalian, BULGAR Bldg., 538 QuezonAve., Quezon City o mag-email sa surewin.bulgar@gmail.com