Malalakas na aftershocks sa Eastern Samar

MULING nakapagtala ng malalakas na pagyanig ang San Julian, Eastern Samar ilang linggo mata­pos unang yanigin ito ng Magnitude 6.5 na lindol.

Alas-11:00 ng umaga ng Miyerkules nang ma-monitor ng Philippine Institute of Volcanology and Seismology (Phi­volcs) ang Magnitude 4.7 na lindol.

May lalim na limang kilometro ang aftershock na lindol at tectonic ang origin o pinagmulan.

Naitala ang Intensity IV sa San Julian, Maydo­long at Borongan City, Eastern Samar; Intensity III sa Gen. MacArthur, Eastern Samar at Catbalo­gan City, Samar at Inten­sity II - Lawaan, Eastern Samar at sa Tacloban City.

Alas-11:08 ng umaga nang muling makapagtala ng Magnitude 3.0 na lin­dol sa bayan ng San Ju­lian pa rin.

Naramdaman ang Intensity III sa San Julian, Maydolong at Bo­rongan City sa Eastern Samar.

Sa kabila ng mga lin­dol, walang inaasahan ang Philvolcs na pinsala sa ari-arian at wala ring inaasahang aftershock.