Dragon. Ahas, Baka at marami pang iba... MGA ANIMAL SIGN NA KATUGMA NG TIPIKAL NA TANDANG

Maestro Honorio Ong

DAGDAG pa rito, dahil inaakala ng Tan­dang na matalino at magaling siya, tunay ngang bihira sa kanila ang tamad. Kaya makikita mo sa Tandang na pala­ging may pinag-uukulang gawain ang ka­nilang nag-uumapaw na enerhiya. Kaya kapag na­katagpo ka ng Tandang na walang gi­nagawa, tiyak na ang Tandang na ito ay sob­rang bigo sa buhay.

Karamihan kasi sa Tandang ay inaakala o feeling nilang tagumpay sila sa buhay, kaya palagi mo silang matatagpuang positive, masagana, kilos nang kilos, aktibo at nagku­kunw­aring masaya.

At dahil sa taglay nilang galing, kung minsan ay nagiging maganda ang kanilang suwerte at kapalaran. Ang kuwento ng magsasaka na nakahukay ng kaya­manan sa gitna ng kanyang bukirin ang eksaktong ku­wento sa buhay ng Tandang. Ibig sabihin, sa kaiikot at kakikilos niya, nakatagpo ang Tandang ng dambuhalang suwerte at magandang kapalaran nang hindi niya ina­asahan.

Sinasabi ring sa umpisa, anuman ang kanyang gi­nagawa, tunay ngang may pambihirang pangarap, siga­sig at kakaibang sigla ang Tandang at kung minsan, ang buhay ng Tandang ay maihahalintulad kay Don Quixote de la Mancha, sa nobela ng Spanish writer na si Miguel de Cervantes dahil maangas at tuluy-tuloy lang siya sa pakikibaka kahit na sa bandang huli ay hindi niya napan­sin na windmill na lang pala ang pinipilit niyang itumba.

Sa pag-ibig at pakikipagrelasyon, sinasabing kung wala kang hilig sa debate at pakikipagtalo, kumbaga, “silent type personality” ang iyong pagkatao, tunay ngang hindi ka bagay sa Tandang na sobrang daming alam sa anumang bagay na nakikita at naoobserbahan niya.

Dagdag pa rito, kung ang makapapareha mo o magiging boyfriend o girlfriend ay Tandang, tiyak na ka­hit mahal na mahal ka pa niya, paniguradong makati­tikim ka ng masasakit niyang pamimintas dahil tulad ng nasabi na, likas na pintasero at napakaperpeksiyunista ng tipikal na Tandang.

Kaya upang makasundo mo ang maangas at akala mong napa­kagaling na Tandang, kailangang maipadama mo sa kanya na pa­lagi ka niyang kasama at kakampi sa lahat ng mga pangarap, am­bisyon at hinahangad niya sa bu­hay dahil karaniwan sa mga Tan­dang kahit na maangas at sob­ra ang tiwala sa sarili, sa ka­nilang pag-iisa sa kaibuturan ng kanilang puso, nalulungkot din sila at nag­hahanap ng tunay na kakampi at magmamahal sa ka­nila.

Bagay na bagay ang Tandang sa matalino at madiskarteng Ahas. Tugmang-tugma rin sa pagiging maangas at energetic na Tandang ang masipag at masikap na Baka.

Ang mga pagtatangka at ambisyon ng Tandang na hindi niya mabigyang-katuparan ay magagawang bigyang-katuparan ng mahusay at magaling na Dragon, kaya ang Dragon at Tandang ay bagay na bagay sa isa’t isa.

Maa-appreciate rin ng Tigre, Unggoy, Baboy, Kam­bing o Tupa, ang pagiging mahusay at maangas ng Tan­dang kung saan ang nasabing mga animal sign ay sadya ring ka-compatible ng tipikal na Tandang.

(Itutuloy)