COLLEGIATE STARS AT PBA PLAYERS, LALARO SA MPBL

MGA collegiate stars na sina Kib Montalbo at key member ng 2016-2017 La Salle Green Archers cham­pion team at dating Far Eas­tern University standout na si Arvin Tolentino, ang pa­wang maglalaro sa Ma­harlika Pilipinas Basketball League.

Maglalaro si Montalbo sa isinaayos na Makati Su­per Crunch, isa sa pinaka­ma­init na teams sa kasaluku­yang MPBL Datu Cup, pero kinapos sila bago ang play­offs at natalo sa Quezon City Capitals sa northern division quarterfinal round.

Bukod kay Montalbo, palalaruin din ng Super Crunch si PBA journey­man point guard Simon At­kins na nai-release na ka­makailan ng Meralco Bolts kasama sina Juneric Baloria at big man Rino Berame.

Sina Baloria at Berame ang pinakahuling lumipat para sa Super Crunch na ha­hawakan ni head coach Cholo Villanueva.

Isa sa top scorers sa ka­salukuyang MPBL Datu Cup, si Baloria ay naglaro sa Pampanga Dong Lanterns ng nagdaang season, may ave­rage na 15.38 points kada game.

Si Berame ay isang 6-foot-5 center na nagpasyang umalis sa Zamboanga ng nakaraang season dahil may bago nang may-ari ang prang­kisa. (MC)