4TH WINS, HINATAW NG CSB VS. ONLINE SA D-LEAGUE

PINATAOB ng Go for Gold-CSB ang AMA Online Education, 109-91, para sa ika­apat na sunod nilang pa­nalo sa 2019 PBA D-League kahapon sa JCSGO Gym sa Cubao.

Nanguna para sa nasabing panalo ng Scratchers si Roosevelt Adams sa itinala nitong 21 puntos, 17 rebounds, at 5 assists kasunod si Robi Nayve na may 19 puntos at 5 rebounds.

Rumatsada ang Go for Gold-CSB at nagposte ng 7-0 run sa huling minuto ng third quarter upang maiposte ang 77-68 na kalamangan bago tuluyang kumalas at luma­mang ng 32-puntos sa 4th period.

Bunga ng panalo, uma­ngat ang Scratchers sa ika-4 na puwesto sa Aspirants Group taglay ang kartadang 5-3, panalo-talo.

Nagtapos na may 30 pun­tos, 12 rebounds, 4 assists at 3 steals si Joshua Munzon kasunod si Franky Johnson na may 26 puntos, 6 steals, at 4 assists para sa Titans subalit parehas silang na thrownout bago natapos ang laban. Dahil sa kabiguan, na­lagay sa bingit ng eliminasyon ang AMA na bumagsak sa barahang 2-4.

Sa ikalawang laban, hu­mabol ang Valencia City Bu­kidnon-SSCR mula sa 20 pun­tos na pagkakaiwan upang magapi ang Metropac San Beda sa double overtime, 96-92. Sinelyuhan ni JM Calma ang panalo sa pamamagitan ng isang lay-up sa nalalabing 14.5 segundo ng ikalawang extension.

Namuno si Allyn Bula­na­di para sa tagumpay ng Valencia-SSCR sa itinalang 32 puntos, 8 rebounds, 5 as­sists, at 5 steals, kasunod si RK Ilagan na pumukol ng limang triples at tumapos na may 31 puntos, 6 rebounds, 5 assists, at 4 steals. Nasiguro ng nasabing panalo ang pag-usad ng Golden Harvest sa playoff sa pag-angat nila sa 6-1 na rekord sa Foundation Group. Nanguna si Clint Doli­guez na nagposte ng 21 puntos at 5 rebounds para sa Metropac-San Beda na bu­maba sa 3rd place ng kanilang grupo pagkaraang malaglag sa markang 6-2.(VA)