Bading bago kinatay ng 2 bagets | HULING SELFIE

DEDO ang isang bading matapos pagsasaksakin ng dalawang bisitang bagets sa loob mismo ng kanyang inu­upahang bahay sa Malabon City, kama­kalawa ng hapon.

Binawian ng buhay ha­bang ginagamot sa Manila Central University (MCU) Hospital sanhi ng mga sak­sak sa katawan si Christian Pontanes alyas Heart, nasa hustong gulang, make-up artist, ng Bgy. Potrero.

Pinaghahanap ng pu­lisya ang mga suspek na kini­lalang sina Johndel Flo­res, 18, at alyas Renel, 18, kapwa ng Caloocan City.

Ayon kina PCpl. Joenel Claro, PCpl. Michael Oben at Pat. Romaliza Delico, alas-11:46 ng umaga nang du­mating sa bahay ni Pontanes ang mga suspek kung saan hiniram pa ng mga ito ang cellphone ng biktima at nag-picture kasama ang nasawi.

Alas-2:50 ng hapon, sa hindi malamang dahilan, bigla na lamang inundayan ng saksak ng mga suspek ang biktima bago nagsita­kas.

Nakita umano nina Roan Rosal at Rose Ann Ramos, kapwa kapitbahay ni Pon­tanes ang pagdaan ng mga suspek na papatakas habang mabilis namang dinala ang biktima sa naturang paga­mutan.

Narekober ng pulisya sa crime scene ang dalawang cellphones at patalim na ginamit ng mga suspek ha­bang inaalam pa ang mo­tibo sa insidente.